Қытай елімізде АЭС салуға ниетті

Қытай елімізде АЭС салуға қолдау көрсетуге дайын, деп хабарлайды Orda.kz.

Қазақстан энергетика министрлігінің өкілдері Пекинге барып, Қытайдың мемлекеттік энергетика басқармасы басшысымен және атом энергиясы агенттігі төрағасымен кездесті. Тараптар атом энергиясы, мұнай-газ, электр энергиясы және жаңартылатын энергия көздері саласындағы әріптестік мәселесін талқылады. 

Министр Алмасадам Сәтқалиев Қазақстан үкіметі тізіміндегі Қытай ұлттық ядролық корпорациясының (CNNC) бас директорымен келіссөз жүргізді. 

Қазақстан делегациясы сапар кезінде әлі салынып жатқан Чжанчжоу атом электр станциясына, Shanghai Electric атом энергиясы корпорациясының өндіріс базалары мен Қытай орталығындағы уранды қайта өңдеу және байыту зауытына барды.