Қытай азаматы ақбөкен мүйізін өз еліне жібермек болды

Жетісу ауданындағы жеке үйлердің бірінде 58 жастағы Қытай азаматы ұсталды, деп хабарлайды Orda.kz.

Оны тінту кезінде ақбөкен мүйізі салынған 50 қорап табылды және тәркіленді. Ер адамның айтуынша, ол Қызыл кітапқа енген заттарды Алматы облысынан сатып алып, емдік мақсатта өз еліне жібермекші  болған.

«Ақбөкенді заңсыз жою, сондай-ақ оның ішінде мүйіздерін алу, сақтау, өткізу, импорттау, кіргізу, жөнелту, тасымалдау деректері бойынша қылмыстық іс қозғалды. Ақбөкен мүйіздерін сату арнасы анықталуда», – деді Алматы қалалық ПД криминалдық полиция басқармасының бастығы Талант Исаев.