Қытай әуе компаниялары Қазақстанға жаңа рейстер ашады

Қытайлық әуе компаниялары орындайтын елдер арасындағы рейстер саны аптасына 30 рейске дейін артады деп күтілуде.

Қытайлық әуе компаниялары Қазақстанға рейс санын көбейтуде, деп хабарлайды Азаматтық авиация комитетінің баспасөз қызметі.

Кездесуде Комитет төрағасы міндетін атқарушы Тимур Тілегенов, China Southern Airlines компаниясының өкілі 2024 жылдың 23 қаңтарынан бастап Алматы-Пекин жаңа бағыты бойынша аптасына үш рет рейс ашуды жоспарлап отырғанын айтты. Сұраныс ұлғайған жағдайда әуе компаниясы 2024 жылдың көктем-жаз маусымынан бастап Алматыдан Үрімші мен Сианьға, сондай-ақ Астанадан Үрімшіге қолданыстағы бағыттар бойынша рейстер санын ұлғайту мүмкіндігін қарастыруға дайын.

Loong Airlines биыл желтоқсан айында Алматы-Ханчжоу бағыты бойынша рейс санын аптасына үштен төртке дейін көбейтуді жоспарлап отыр. Келер жылы жолаушылар ағыны арта түссе, әуе компаниясы рейс санын аптасына жетіге дейін жеткізуді жоспарлап отыр. Әуекомпания сонымен қатар 2024 жылы Астана-Ханчжоу, Астана-Чэнду және Алматы-Чэнду әуе бағыттарында рейстер ашу мүмкіндігін зерттеп жатыр.

Air China әуе компаниясы Астана-Сиань-Пекин бағыты бойынша орындалатын рейстер санын аптасына екіден үшке дейін ұлғайту мүмкіндігін қарастырып жатқанын хабарлады. Дегенмен, авиакомпания сонымен қатар Сианьға тоқтамай, екі астана арасында аптасына үшінші рейсті орындауды қарастырады.

Жалпы, 2024 жылдың көктемгі-жазғы навигация кезеңінде қытайлық әуе компаниялары орындайтын елдер арасындағы рейстердің саны қолданыстағы және жаңа әуе бағыттары бойынша аптасына 30-ға дейін артады деп күтілуде.

Биыл 10 қарашадан бастап Қазақстан мен Қытай арасында визасыз режим жұмыс істейді.