Қырғызстанмен шекаралас Қордай ауданында 4,9 балдық жер сілкінісі болды

Қырғызстанмен шекаралас Қордай ауданында магнитудасы 4,9 балдық жер сілкінісі болды, деп хабарлайды Сейсмологиялық тәжірибе-әдістемелік экспедициясы.

«ҚР Төтенше жағдайлар министрлігі «SOME» ЖШС сейсмикалық стансалар желісі 20 қазан күні сағат 13.34-те жер сілкінісін тіркеді. Жер сілкінісінің ошағы Алматыдан батысқа қарай 176 шақырым жерде Қазақстан мен Қырғызстан шекарасында орналасқан. Жер сілкінісінің энергетикалық класы 10.2. Магнитудасы MPV 4,9» делінген хабарламада.

Қоса беріліп отырған картаға сәйкес, жер сілкінісінің ошағы Қазақстан шекарасында Қордай ауданында, 20 шақырым тереңдікте орналасқан.