Қырғызстанда ҰҚМК төрағасының тағы бір экс-орынбасары мен бірнеше қызметкер ұсталды

Қырғызстанда тағы бір бұрынғы ҰҚМК төрағасының орынбасары және бірқатар қызметкер ұсталды, деп хабарлайды Orda.kz 24KG сайтына сілтеме жасап. 

Қырғызстанда әскери прокуратура Ұлттық қауіпсіздік мемлекеттік комитетінің (ҰҚМК) бұрынғы төраға орынбасары Тимур Шабданбеков ұсталды. Ол қызметтік өкілеттігін асыра пайдаланды деген күдікпен ұсталған. 

Одан бөлек, бұл іс бойынша басқа да тұлғалар күдікке ілінген. Атап айтқанда, «Ред Петролеум» компаниясының басшысы Ақылбек Маматов, мемлекеттік мүлікті басқару қоры төрағасының бұрынғы орынбасары Бекзат Абдикахаров, сондай-ақ ҰҚМК-ның бұрынғы және қазіргі бірнеше қызметкері ұсталған.

Дереккөздер мәліметінше, олардың арасында ҰҚМК-ның Нарын облысы бойынша басқармасы бастығының бұрынғы орынбасары және бірнеше бөлім басшылары бар. Олардың қатарында кибералаяқтықпен күрес бөлімінің қызметкерлері де болуы мүмкін.

Қылмыстық істің мән-жайы мен күдіктілердің әрқайсы туралы ақпарат әзірге жарияланбады.

Оқи отырыңыз:

• Қырғызстанда Бішкек қаласы бойынша ҰҚМК басқармасының бұрынғы басшысы ұсталды
• Лақап аты «Грудак»: Қырғызстанда ҰҚМК-ның тағы бір қызметкері ұсталды
• Жемқорлыққа қатысы бар: Қамшыбек Тәшиевтің інісі ұсталды