Қырғызстанда «Рэкетир 3» фильміне тыйым салынды

Қазақстандық «Рэкетир: жаңа кезең» фильміне Қырғызстанда күтпеген жерден тыйым салынды, сондықтан кинотеатрлардан дереу алынды. Билет сатып алған көрермендерге ақшасын қайтару ұсынылды, деп хабарлайды Orda.kz.

«Синематика» кинотеатрлар желісі ресми түрде фильмді көрсетуді тоқтататынын мәлімдеді. Себеп – көрсету лицензиясының қайтарылуы. Бұл шешімді кім қабылдағаны нақты белгісіз, бірақ компания өкілдері тыйымның орындалуын қадағалайтынын мәлімдеді. 

«Себебін “Қырғыз тасмасы” компаниясынан сұраған жөн. Біз тек олардың шешіміне бағынамыз», деп жазылған Kaktus.Media басылымында.

Еске салсақ, «Рэкетир: жаңа кезең» фильмі – 2007 жылы басталған қылмыстық драманың үшінші бөлігі. Жаңа фильм 13 ақпанда көрермеге жол тартты және қазақстандық прокатта кассалық жинақтар бойынша көш бастады.

Тыйым салудың себебі ретінде жақында Жогаргу Кенештің құқық тәртібі комитеті отырысында депутат Бақтыбек Марипов қылмыстық әлемді көрсететін фильмдерге тыйым салуды ұсынды. Оның ішінде «Черный двор», «Слово пацана», «Бригада» және жасөспірімдердің психологиясына әсер ететін басқа да фильмдер аталған.