Қырғызстанда президенттің «кеңесшісі мен жиені» ұсталды

Қырғызстанда өздерін президенттің кеңесшісі және туысымын деп ақша бопсалаған екі ер адам ұсталды, деп хабарлайды Orda.kz. 

Қырғызстандағы ҰҚК хабарлағандай, ер адам өзін Садыр Жапаровтың кеңесшісі ретінде таныстырған. Оның жанында тағы бір ер адам президенттің жиенімін деп, құны шамамен 50 миллион сом болатын көмір кен орнын шетелдік компанияның меншігіне беруді талап еткен. Шахта иесі бас тартқан жағдайда, құқық қорғау органдарындағы «таныстарын» шақыратынын айтып қорқытқан. 

Жәбірленуші полицияға арыз берді. Күдіктілер ұсталды. Бопсалаушы мен оның болжамды сыбайласына қатысты қылмыстық іс қозғалды. Тергеу барысында ұсталғандардың Қырғызстан президентімен және оның туыстарымен ешқандай байланысы жоқ екендігі расталды.

Күдіктілер тергеу изоляторына қамалды.