Қырғызстанда өтетін Көшпенділер ойындарына қазақтың көкпары қосылды

Қырғызстанда өтетін Көшпенділер ойындары бағдарламасындағы жарыс түрлері тізіміне қазақтың ұлттық ойыны — көкпар енді, деп хабарлайды Orda.kz. 

Бұл туралы Қазақстан көкпар федерациясының президенті Айдарбек Қожаназаров мәлімдеді. Бұған дейін бағдарламаның жарыс тізімінде көкбөрі сайысы ғана бар еді. Бұл қоғамда қызу талқыланды.

Айта кетейік, VI Дүниежүзілік көшпенділер ойындары 2026 жылдың 31 тамызы мен 6 қыркүйегі аралығында Қырғызстанда өтеді.

Еске салайық, 2024 жылы Астанада өткен көшпенділер ойындарындағы көкпар турнирінің финалында Қазақстан мен Қырғызстан спортшылары арасында төбелес шықты. Көп ұзамай қырғыз көкпаршылары қазақтарды қарымта ойынға шақырған болатын.