Қырғызстан Украина саммитіне қатысудан бас тартты

Қырғызстан Швейцарияда өтетін Украинаға қатысты жаһандық конференцияға қатысудан бас тартты.

Бұл туралы Қырғызстан министрлер кабинетінің басшысының орынбасары Еділ Байсалов Deutsche Welle агенттігіне берген сұхбатында айтты. 

Еділ Байсаловтың айтуынша, Қырғызстан Украина ұйымдастырған бейбітшілік саммитіне қатыспайды. Қырғызстан Украинамен тығыз байланыста және Украинаға да, Ресейге де бірдей қарайды.

«Ресей мен Украинаның бұлай болуы мүмкін емес еді. Бұл Украина мен Ресей арасындағы ақымақтықты тоқтатуға тырысамыз. Бірақ, Украина тарапы біздің  келмеу себебімізді біледі. Біз оларға барлығын түсіндірдік. Бұл процесте қаламыз деп үміттенеміз. Оның үстіне, біз түркі мемлекеттері одағы аясында белсенді түрде күш салудамыз. Дегенмен, әлі екіжақты келіссөздер сатысына жеткен жоқпыз», — деді Еділ Байсалов. 

Вице-премьер Байсаловтың пайымдауынша, Қырғызстанның тікелей қатысуы ерекше рөл атқармайды. Ал Киев Бішкектің ұстанымын әлдеқашан қабылдаған.

Естеріңізге сала кетейік, Қазақстан Украина бойынша саммитке қатысу мүмкіндігін әлі де қарастырып келеді. Апта басында ҚР Сыртқы істер министрлігінің өкілі Айбек Смадияров елдің ресми ұстанымын ескере отырып, шешім қабылданатынын  халықаралық іс-шараларда айтты

Бір қызығы, Смадияровтың сөзі Байсаловтың сөзін қайталайды.

«Қазақстан Украинамен де, Ресеймен де дәстүрлі түрде тең және жақын қарым-қатынаста», – деді Смадияров.

Айта кетейік, Швецарияда өтетін саммит 15-16 маусымға жоспарлануда.