Қырғызстан президенті «шетел агенттері» туралы заңға қол қойды

Садыр Жапаров заң үкіметтік емес ұйымдардың жұмысына кедергі келтірмейді деп сендірді.

Қырғыз Республикасының президенті атап өткендей, шетелдік серіктестер бұндай заң қабылдамауды сұраған. Бірақ Жапаров бұл коммерциялық емес ұйымдардың ашық жұмысы үшін қажет деп санайды.

«Елімізде ондаған жылдар бойы жұмыс істеген ҮЕҰ еш жерде тіркелмеген және ешкімге есеп бермеген. Олар банк шоттарын ашып, шетелдік инвесторлардан ақша алып, өз қалауы бойынша, соның ішінде жеке мақсаттарына жұмсаған. Енді олар да басқалар сияқты Әділет министрлігіне тіркеліп, банкте есепшот ашатын болады» деп жазды Қырғызстан басшысы әлеуметтік желіде.

Отандық үкіметтік емес ұйымдар шетел инвесторларын шетел агенті ретінде қудалаймыз, ұстаймыз деп алдайды, деп түсіндірді мемлекет басшысы.

«Инвесторлар бұған сенді, енді бұл заңға қол қоймауымды сұрайды. Бірақ сіз 30 жыл бойы шетелдік Инвесторлармен жұмыс істеп келесіз, ақша алғаныңыз үшін сізді ешкім қудалаған жоқ. Қалай ойлайсыз, біз мұны енді істей бастаймыз ба?»,- деп түйіндеді Садыр Жапаров.

Жақында Еуропалық Одақтың делегациялары, АҚШ, Ұлыбритания, Канада, Франция және Германия елшіліктері Қырғызстанда қабылданған «Коммерциялық емес ұйымдар туралы» заңға қатысты алаңдаушылықтарын білдірді.

Атап айтқанда, коммерциялық емес және үкіметтік емес ұйымдарға бұқаралық іс-шаралар өткізуге немесе оларға қатысуға тыйым салады. Шетелден қаржы алып, саяси қызметпен айналысатын ҮЕҰ мен ҮЕҰ «шетелдік өкілдер» тізіліміне енгізіледі. Олар өздерінің қаржыландыруы туралы есеп беріп, қызметі туралы қосымша есеп ұсынып, мемлекеттік органдардың тұрақты тексерулерінен өтуі тиіс.