Қырғызстан мен Тәжікстан 12 шақырым шекара аумағы туралы қосымша келісімге келді

Қырғызстан мен Тәжікстанның топографиялық жұмыс топтары қырғыз-тәжікстандық мемлекеттік шекараның тағы 11,88 шақырымы бойынша келісімге келді, деп хабарлайды Қырғызстан Республикасы Министрлер Кабинетінің баспасөз қызметі.

Бустон қаласында 17-23 желтоқсан аралығында Қырғыз-Тәжікстан мемлекеттік шекарасын делимитациялау және демаркациялау мәселелері бойынша Қырғызстан мен Тәжікстан үкіметтік делегацияларының топографиялық жұмыс топтарының кезекті отырысы өтті, онда тараптар екі елдің мемлекеттік шекарасындағы 11,88 шақырым туралы келісті.  

Тараптар Қырғыз Республикасы аумағында өтетін келесі кездесуде қалған бағыттарды сипаттау жұмысын жалғастырады. Отырыс қорытындысы бойынша тиісті хаттамаға қол қойылды.

Естеріңізге сала кетейік, Тәжікстан мен Қырғызстанның 970 шақырымдық ортақ шекарасы бар. Ал әзірге түйіспе сызығының бірнеше жүз шақырымы анықталмаған немесе белгіленбеген. Тараптардың кездесулері бір-бірінің аумағында кезекпен өткізіп келеді.