Қырғызстан Қазақстанға транзиттік тәуелділігін азайтпақ

 Қырғыз Республикасының президенті Садыр Жапаров Қытай-Қырғызстан-Өзбекстан темір жолын салу жоспары туралы айтты, деп хабарлайды Orda.kz. 

Жапаровтың айтуынша, Қырғызстан қазір Қазақстан мен Ресей арқылы өтетін теміржол бағыттарын пайдалануға мәжбүр.

«Қазір Қырғызстан логистика жағынан тығырыққа тірелген мемлекет. Темір жол салынса, біз әлемге шыға аламыз. Бұл біздің жеке жолымыз болады» деп келтіреді  Мемлекет басшысының сөзіне сілтеме жасаған Kaktus.media. 

Жаңа теміржол желісінің салынуы республиканың әлемдегі негізгі ойыншыға айналуына және теңіз жолдарына шығуға мүмкіндік береді, деп қосты Садыр Жапаров.