Қырғызстан Қазақстанға гуманитарлық көмектің екінші партиясын жіберді

Қырғызстанның Төтенше жағдайлар министрлігі су тасқынынан зардап шеккендер үшін «Жәрдем керуені» атты гуманитарлық жүктің екінші партиясы Қазақстанға жөнелтілгенін мәлімдеді деп хабарлайды 24kg сайтына сілтемемен Orda.kz       

Басылымның мәліметінше, гуманитарлық жүк қырғыз сүт өнімдерінен құралған - 10 мың литр айран, 14,2 мың қорап қаймақ, 10 мың литр сары май мен өсімдік майы, 20 тонна голланд ірімшігі, 80 тонна майсыздандырылған құрғақ сүт.

«Жүк қырғыз халқының күшімен жиналды, Президенттің резервтік қорынан қосымша қаражат бөлінді» деп хабарлады Төтенше жағдайлар министрлігі.

Естеріңізге сала кетейік, сәуір айының басында Жамбыл облысына Қырғызстаннан алғашқы гуманитарлық жүк – 300 тонна жүк тиеген 15 жүк көлігі келді. Жүк Қазақстанның төрт облысына бөлінді.

Бұған дейін Қырғызстан Министрлер Кабинетінің Төрағасы Ақылбек Жапаров Бішкектегі ЖЭО апатынан кейін Қазақстан Қырғызстанға көмек қолын созғанын атап өткен болатын. Ол кезде Қырғызстанға дизельдік отын түріндегі 2 мың тонна гуманитарлық көмек жіберілді. 

«Бұл жағдайда біз оларға тіпті олар сұрамаса да гуманитарлық көмек жібереміз», - деді Жапаров Қазақстандағы су тасқыны жағдайына тоқталып. Түркия да Қазақстанға көмек көрсетуге дайын екенін білдірді. Бұл тұрғыда Түркия Сыртқы істер министрлігі тиісті мәлімдеме жасады.