Қырғыздар Назарбаевтың бұрынғы құдасына «экс-президент» дәрежесін қимады

Қырғызстанның Жоғарғы Кеңесі Назарбаевтың құдасы Асқар Ақаевтың «экс-президент» дәрежесінің қалпына келтірілуіне қарсы болды, деп хабарлайды Orda.kz.

Бұл шешімді 71 депутат қолдаса, екеуі ғана қарсы дауыс берді.

«Бұл өте маңызды мәселе болды. Біз, бәріміз еліміздің тәуелсіздік жылдарында қандай қиындықтарға тап болғанын көрдік. Жаман оқиғалар жақсыдан асып түсті. Мұның ішінде бірінші президент Асқар Ақаевтың да кінәсі бар. Оның ішінде Ақсай оқиғалары да бар. Ақсу сайлаушылары бұл мәселеге қатты алаңдады. Менің ойымша, парламент дұрыс шешім қабылдап отыр. Оған өз бағасын тарих пен халық бере жатар», — деді Қырғыз Республикасының парламент спикері Нұрланбек Шакиев. 

Ақаев 1990 жылдан 2005 жылға дейін президент болды. Бірақ халықтың наразы болып, «қызғалдақ революциясын» жасаған соң, елден кетуге мәжбүр болды.

Еске сала кетсек, Нұрсұлтан Назарбаевтың кіші қызы Ақаевтың үлкен ұлына тұрмысқа шыққан, бірақ олардың некесі үш жылға да жетпеді.