Күрдістан Түркиямен қақтығысты тоқтату туралы мәлімдеме жасады

Сенбі күні Күрдістан жұмысшы партиясы (Қазақстанда тыйым салынған) Түркиямен қақтығыста атысты тоқтату туралы мәлімдеме жасады. Түркия билігі мен радикал күрдтер арасындағы қарулы күрес 40 жылдан астам уақытқа созылып, ондаған мың адам құрбан болды, деп хабарлайды Orda.kz BBC-ге сілтеме жасап.

Бірнеше күн бұрын Күрдістан жұмысшы партиясының жетекшісі Абдулла Ожалан жолдастарына қаруларын тастап, өздерін таратуға шақырды. Серіктестері Апо деген атпен белгілі Ожалан 1999 жылдан бері Стамбұлдың оңтүстік-батысындағы Мәрмәр теңізіндегі Имрали аралындағы түрмеде жалғыз адамдық камерада отыр.

«Апоның бейбітшілік пен демократиялық қоғам құруға шақыруын жүзеге асыруға жол ашу үшін біз бүгін атысты тоқтату туралы келісімді жариялаймыз. Біздің бірде-бір бөлімше екінші тараптан шабуыл болмаса, әскери әрекетке бармайды», деп мәлімдеді атқару комитеті.

Бұл туралы сенбі күні ANF ақпарат агенттігі жариялады.

Жауап ретінде Күрдістан жұмысшы партиясы Ожаланның қарусыздану процесін басқара алуы үшін босатылғанын,  қамауда ұстау жағдайларының жеңілдетілгенін күтеді.

«Ол еркіндік жағдайында өмір сүріп, жұмыс істей білуі және кез келген адаммен, соның ішінде достарымен кедергісіз қарым-қатынас орнатуға қабілетті болуы керек», деді олар мәлімдемесінде.

Телевизиялық камералар арқылы медиаторлар оқыған Ожаланның қаруды тастау туралы үндеуін күрд басшылары оң қабылдады. Дегенмен, Күрдістан жұмысшы партиясы да, Түркия да бейбіт бастаманың әлсіздігіне алаңдаулы.

Өйткені бұған дейін де атысты тоқтату келісімі жасалған, екі жарым жылға созылып, бұзылған. Бұл Түркияның оңтүстік-шығысында 2015 және 2017 жылдар аралығында зорлық-зомбылықтың күрт өсуіне әкелді.