Күннің тез жылынуы салдарынан Алматыны су басуы мүмкін

Қазгидромет алматылықтарға 16-18 наурызда күннің тез жылынуы салдары туралы ескертті, деп хабарлайды Orda.kz.

Синоптиктердің болжамынша, бұл күндері тау бөктерлері мен таулы аймақтарда орташа тәуліктік температураның бірден көтерілуі себебінен қардың мол еруіне байланысты тау өзендеріндегі су деңгейінің көтерілуі күтілуде. Тіпті су басуы да мүмкін.

Осыған байланысты құтқарушылар тұрғындарға өз аумағы арқылы өтетін немесе жақын маңдағы арықтар мен каналдардағы қоқыстарды тазалау қажеттігін еске салды.

«Сонымен қатар су айдындарындағы мұз жамылғысының жұқаратынын еске саламыз. Мұзға шықпаңыздар, өмірлеріңізге қауіп төндірмеңіздер!»  деп қосты  Төтенше жағдайлар департаменті.