«Қылмыстық топ»: Қарағандыда «Қазақмысты» тонаған 20 адам ұсталды

Қарағанды облысында «Қазақмыс» компаниясы мен басқа да өндірістік кәсіпорындардан металл мен тауарларды ұрлаған қылмыстық топ ұсталды.

Бұл туралы ІІМ хабарлады.

Тексеріліп жатқандар негізінен жұмысшылар болды. Соның ішінде кәсіпорындардың жетекшілері мен қауіпсіздік қызметінің қызметкерлері де бар. Қарағанды облысының полиция басқармасы 20-дан астам күдіктіні ұстады.

«Тексеру кезінде олардан атыс және травматикалық қару-жарақ, автокөліктер, ақша қаражаттары және басқа да заттай дәлелдер алынды. Тергеу мүддесінде басқа мәліметтер жарияланбайды», – деп хабарлады ІІМ.