Қылмыстық топ басшысы Әзірбайжаннан Қазақстанға экстрадицияланды

Әзірбайжаннан келген қылмыстық топтың жетекшісі Қазақстанға экстрадицияланды.

Бұл туралы Бас прокуратураның баспасөз қызметі хабарлады.

Таратылған хабарламада күдіктінің 2016-2018 жылдар аралығында Қазақстанға халық тұтынатын тауарларды заңсыз әкелумен айналысқан қылмыстық топты басқарғаны атап өтілді. Сонымен қатар, топ кедендік төлемдер мен салықтарды төлеуден жалтарған. Осы қызмет салдарынан мемлекетке 4 миллиард теңгеден астам шығын келтірілген.

«Қылмыс жасағаннан кейін ол тергеуден қашып, халықаралық іздеуде болды, кейін күдікті Әзірбайжан аумағында анықталды» деп хабарлайды Бас прокуратураның баспасөз қызметі.