Қылмыс жасады деген 11 күдікті Қазақстаннан тыс жерде іздестіріліп жатыр

2025 жылдың басынан бері Қазақстаннан тыс жерде 11, ел ішінде 44 қылмысқа күдікті анықталды, деп хабарлайды Orda.kz ҚР ІІМ ресми интернет-ресурсына сілтеме жасап.

«Ішкі істер министрлігі ТМД елдерінің құқық қорғау органдарымен бірлесіп іздеуде жүрген қылмыскерлердің орналасқан жерін анықтау және оларды ұстау бойынша жұмысын жалғастырады. 2025 жылдың басынан бері Қазақстаннан тыс жерде 11 қылмыскер жүргені анықталды. Басқа елдердің құзырлы органдарына еліміздің аумағында 44 қылмыскердің іздеуде жүргені туралы хабар берілді» деп жазылған хабарламада. 

Мәскеуде алаяқтық жасады деген күдікке ілінген 28 жастағы Қазақстан азаматы ұсталды. Полицияның мәліметінше, Алматыда ол сатып беремін деген желеумен тұрғындардың қымбат смартфондарын алып, кейін із-түзсіз жоғалып кеткен. Жеті адам жәбірленуші деп танылып, келтірілген шығын көлемі 32 миллион теңгеден асқан.

Кезекті іздестіру кезінде Шымкент полиция басқармасының қызметкерлері Люберцы қаласындағы ресейлік әріптестерімен бірлесіп Өзбекстанның 36 жастағы азаматын ұстады. Ол 2014 жылы Шымкент қаласының тұрғынына тиесілі жер телімін заңсыз сатып, 14 мың АҚШ доллары көлемінде шығын келтірген күдікті.