Квазимемлекеттік сектордың ел экономикасындағы рөлі
Сарапшылар квазимемлекеттік сектордың ел экономикасын дамытудағы рөлін талқылады.
27 маусым күні Болат Жәмішевтің төрағалығымен «Самұрық-Қазына» АҚ Қоғамдық кеңесінің кезекті ашық отырысы өтті.
Талқылау тақырыбы Қордың стратегиясы мен іс-қимыл жоспарын жүзеге асыру, сондай-ақ оның ел экономикасын дамытудағы рөлі болды. 2022 жылғы қызметтің қорытындылары туралы портфельдік компаниялардың басшылары: «ҚазМұнайГаз» ҰК» АҚ, «Қазатомөнеркәсіп» ҰАК» АҚ, «Қазақстан темір жолы» ҰК» АҚ және «KEGOC» АҚ баяндама жасады.
Қоғамдық талқылау барысында ҚТЖ-ның елдегі және саладағы жүйе құраушы ретіндегі рөлі сөз болды. Еліміздегі жүк айналымының 50 пайызын қамтамасыз ететін ұлттық компания қоғамның негізгі қажеттіліктерін қанағаттандыруға қажетті стратегиялық және әлеуметтік маңызы бар жүктерді тасымалдайды. ҚТЖ жолаушы тасымалының 15 пайызын орындайды.
2022 жылдың қорытындысы бойынша кәсіпорын негізгі өндірістік көрсеткіштер бойынша жоспарларды орындады. 2021 жылмен салыстырғанда жүк айналымы 5,4%-ға өсіп, 252 млрд т-шқ болды, жолаушылар тасымалы 28,6%-ға (12 253 млн пас/км) артты. Геосаяси жағдайға қарамастан, контейнерлік транзит 6%-ға дерлік артып, 1 129 мың TEУ құрады.
Бүгінгі таңда теміржол инфрақұрылымы мен жылжымалы құрамның қазіргі жағдайы теміржолдың тұрақты жұмыс істеуіне тежеу болып отыр.
Жүк тасымалының қарқынды өсіп келе жатқан көлемін қамтамасыз ету үшін компания төрт ірі инфрақұрылымдық жобаны – Достық – Мойынты, Бақты – Аягөз, Дарбаза – Мақтаарал учаскелеріндегі теміржол желілерін және жалпы ұзындығы Алматы қаласын айналып өтетін айналма жол салуды жүзеге асыруға кірісті. Оның ұзындығы - 1337 шақырым. Сондай-ақ Қазалы – Арыс (357 шақырым), Сексеуіл – Жарық (966 шақырым), Алматы – Алтынкөл (410 шақырым), Ақсу – Жаңа-Семей (365 шақырым) біржолды учаскелерін дамыту бойынша шаралар қабылдануда. 458 локомотив алу бойынша бірінші кезектегі жұмыстар жүргізілуде.
ҚТЖ – еліміздегі ең ірі жұмыс берушісі. Компанияда 113 мыңнан астам адам жұмыс істейді. ҚТЖ-ң соңғы екі жылда еңбекақы қоры 155 миллиард теңгеге ұлғайтылды.
Қоғамдық кеңес құрамына белгілі қоғам және мемлекет қайраткерлері, қаржы секторының және БАҚ өкілдері кіреді.
Жаңалықтар
- Әлия Назарбаеваның рейдерлік әрекеті халықаралық деңгейге шығады
- Назарбаевтың бұрынғы келініне қатысты іс: Сот қашан басталады?
- Қазақстанда мәдениетсіз әртістерді айыппұлмен жазаланады
- Бишімбаев ертерек бостандыққа шыға ала ма?
- МАЭК-те 1,4 млрд сомаға мемлекеттік сатып алулар бойынша бұзушылықтар анықталды
- Өзбекстанда депутат өзбек тілін білмейтіндерге мемлекеттік қызмет көрсетпеуді ұсынды
- Астанада «НК Продкорпорация» басшылары сотталды
- Қостанайдан Алматыға ұшқан ұшақта жолаушы қаза тапты
- Путин Қытайға келді
- Джо Байден мен Дональд Трамптың дебаты 27 маусым мен 10 қырқүйеккке жоспарланды
- Словакия премьер-министріне оқ атылды
- Жаттығу кезінде жарылған гранаттан зақым алған полицей ауруханаға түсті
- Биылғы түлектер мектеп бітіру күнін қалай өткізеді
- Қостанай облысында полицейді өлтірді деген күдікті ұсталды
- Гүлмира Сатыбалдыға қатысты алғашқы алдын ала тыңдау қалай өтті?
- Жылыой ауданында 100-ден астам отбасы бүлінген жылжымайтын мүліктерін бағалау қорытындысын алды
- Теңіздегі «сақалды» құрылыс нысаны бас мердігерінің басшылығы ауысты
- Мемлекет басшысы Германия экономикасының Шығыс комитеті басқармасының төрағасын қабылдады
- ЕО Израильді Рафахтағы әскери операциясын дереу тоқтатуға шақырды
- Қарағанды әкімі қала маңында ілінген плакаттарды сынға алды