«Құзырлы органдардағы жемқорлық»: Қылмыстық атқару жүйесі қызметкерлері сотталды

Қонаев қаласының соты сыбайлас жемқорлық ісі бойынша ҚАЖ мекемелерінің бұрынғы басшыларына үкім шығарды. №57 мекемесінің бұрынғы басшысы П.Писарев 9 жылға бас бостандығынан айырылды, ал №12 мекемесінің жедел бөлімінің басшысы E. Бөлекбай 3 жылға сотталды, деп хабарлайды Orda.kz.

Тергеу барысында айыпталушылардың жазасын өтеп жатқан адамдарға қолайлы жағдай жасап, түрмеге бірнеше рет тыйым салынған заттарды кіргізгені үшін пара алғаны дәлелденді. Алматы облысы прокуратурасының арнайы прокурорлары күдіктілердің кінәсін толық дәлелдеп шықты.

«Сот тергеу барысында жиналған дәлелдемелерді қарастырып, П.Писарев келтірілген айыппен кінәлі деп танылып, 9 жылға бас бостандығынан айырылды, ал сотталушы Е.Бөлекбай келтірілген айыппен кінәлі деп танылып, 3 жылға бас бостандығынан айырылып, жазаларын қылмыстық атқару жүйесінің орта қауіпсіз мекемесінде өтеу белгіленді», деп мәлімдеді бас прокуратура.