Құжат бойынша жойылды, іс жүзінде қайта сатылды: Жамбыл облысында ЭҚД қызметкерлері ұсталды

Қаржылық мониторинг агенттігінің жеке қауіпсіздік қызметі Жамбыл облысы бойынша Экономикалық тергеп-тексеру департаментінің (ЭҚД) төрт жедел қызметкерін ұстады, деп хабарлайды Orda.kz.       

Белгілі болғандай, сот шешімімен тәркіленген темекі өнімдері жойылуы тиіс болған. Алайда ведомство қызметкерлері оларды жойғанның орнына қайта сатып, нарыққа шығарған. Құжат жүзінде тауарлар жойылған болып көрсетілген, ал шын мәнінде олар «екінші айналыммен» сатылған.

Күдіктілер қылмыс үстінде ұсталып, қылмыстық іс қозғалды.

Бұған дейін «Орда» Жамбыл облысындағы «ҚТЖ» ҰК» АҚ магистральдық желісінің бөлімшесінде жанар-жағармай ұрлығына қатысты даулы істі қозғаған болатын.

Материалдарға сәйкес, темір жол ведомствосының қызметкерлері бірнеше жыл бойы жалған құжаттардың көмегімен жанар-жағармай материалдарын (ЖЖМ) ұрлаумен айналысқан. Шығын 572 миллион теңгеден асты.

Бүгінде істің тоқтап қау қаупі бар. Тергеумен Экономикалық тергеу департаменті айналысқан. Алайда сот істі қайта қарауға жіберді және 12 айыпталушының біреуі ғана жауапкершілікке тартылды.