Kundelik жүйесіндегі мыңдаған оқушының жеке деректері желіге тарап кетті

Kundelik жүйесінен мыңдаған мектеп оқушыларының деректері желіге шығып кетті, деп хабарлайды Orda.kz.

Сарапшылардың пікірінше, бұл шабуыл жаңа жасалған. Оның толық ауқымы әзірге белгісіз.

Желтоқсанның басында оқушылардың деректері бар файлдар интернеттегі арнайы сайттарда пайда болды.

Онда Қазақстанның электрондық күнделік платформасы Kundelik пайдаланушыларының жеке деректері бар. Мысалы, оқушылардың аты-жөні, туған күні, мектептері мен сыныптары көрсетілген. «Выход к морю» Telegram-арнасының ақпаратына қарасақ, бұл деректер қыркүйек айына дейінгі ақпарат, яғни шабуыл жақында болған. Ал жүйе операторы ресми мәлімдеме жасамады.

«Darknet деген жасырын интернет сайттарында бірнеше мың жол деректердің сынақ нұсқасы орналастырылған. Шынайы ауқымы әлдеқайда үлкен болуы мүмкін, ал деректердің толық таралып кеткені белгісіз. Пайдаланушылардың логиндері, парольдері, телефон нөмірлері және басқа деректері зақымдалған ба? Әзірге ол анық емес. Kundelik жүйесін миллиондаған оқушы, ата-ана мен мұғалім қолданады, сондықтан жеке деректерді қорғау қатері өте жоғары» деп жазды арна. 

Kundelik платформасы оның негізін қалаушы Мұхтар Ильясов пен серіктесі Асқар Бишігевке тиесілі. Сондай-ақ, оған Динара Құлыбаеваға қатысты компаниялар және ресейлік «Дневник.ру» компаниясы қатысқан. Техникалық тұрғыдан Kundelik-ті жасау үшін дәл осы ресейлік компания технологиясын берген.