Құлыбаевпен байланысы бар компания таратылмақ

Нұрсұлтан Назарбаевтың күйеу баласы Тимур Құлыбаевпен байланысты ақылы мұнай өңдеу және мұнай өнімдерінің саудасы нарығындағы ең ірі компания – «Petrosun» компаниясы «ҚазМұнайГазға» ауысты, деп хабарлайды Orda.kz.

«Petrosun» ЖШС қызметі бірте-бірте «KC Energy Group» ЖШС-не беріледі»,  делінген «ҚазМұнайГаз» ҰК» АҚ аралық қаржылық есебінде. 

Ақпаратқа сәйкес, «KC Energy Group» ЖШС «Petrosun» ЖШС-нің қатысушылардың құрамы бірдей және басқару тетіктері де бірдей шарттармен құрылған.

Айта кетейік, 2023 жылдың соңында «ҚазМұнайГаз» және «Petrosun» екеуіне иелік ететін CNPC International Қазақстан жанармай нарығында жұмыс істейтін тағы бір бірлескен компания – «KC Energy Group» ЖШС құрды.