Құлсарылықтарға Қаржы министрлігі көмектесе ме?

Құлсарыдағы наразы жұрт  пен билік арасында туындаған келіспеушілікте екі күн бойы жалғасуда. Олардың кейбірі белгілі бір мөлшерде өтемақы талап етсе, екінші топ  басқа жағдайлар туралы айтады, деп хабарлайды Orda.kz порталы.

Біз Дәурен Темірбековпен әңгімелесіп, бизнестен түскен ақшаның жағдайы қалай (қазір көптеген ірі ұйымдар су тасқынынан зардап шеккендерге көмектесуге тырысуда) және Қаржы министрлігі адамдарға көмектесуді жоспарлап отыр ма, деп сұрадық.

— Ақшаның бір бөлігі «Демеу» корпоративтік қорында жиналды. Индустрия министрлігінің үйлестіруімен әкімдіктермен тікелей меморандумдар жасасуға көмектесуге ниет білдірген кәсіпкерлер бар. Олар қазірдің өзінде үй салып, тікелей жұмысқа кірісп кетті. Қаржы министрлігі бұл процестерге қатыспайды. 

— Ал «Демеу» қаржыны қайда жұмсап жатыр ? 

— Әзірге ешқандай шығын болған жоқ. Кәсіпорынның бөлген ақшасы жетпей қалса, «Демеуден» қаржы міндетті түрде бөлінеді. Бұл жеткіліксіз болса, үкімет резерві бар. Қажет болса, резервті толықтырып, түгелдей қаржыландыруды қамтамасыз етеміз. 

— Осындай әлеуметтік шиеленіс тудырмас үшін Құлсарылықтарға көмектесу ойыңызда бар ма?

— Ондай қажеттілік болса... Әзірге Атырау облысы әкімдігіне түскен өтініштер Қаржы министрлігіне жеткен жоқ. Қажет болса, бұл мәселені міндетті түрде шешеміз. 

— Қаражат бөлуге дайынсыздар ма?

— Иә, дайынбыз.