Құлсарыдағы жағдай: су тасқынынан зардап шеккен тұрғын үйлерді бағалау осы аптада аяқталады

Бұл туралы Премьер-Министр Бектеновтің төрағалығымен өткен жиында айтылды. Жиында Атырау облысының әкімі Серік Шәпкенов баяндама жасады. Оның айтуынша, жылжымайтын мүлікті бағалау комиссиясына 2727 өтініш түсіп, 1000-ға жуық үй тұруға қауіпті деп танылды , деп хабарлайды Orda.kz порталы.

«Қазірдің өзінде 500 Құлсары тұрғыны бағалау нәтижелерін алды, 105 үйдің тұрғындары өтемақы мөлшерін келісіп, келісімге қол қойды (бүлінген үйлер – 53, күрделі жөндеу – 52). Бағалау тобы тәулік бойы жұмыс істейді. Жұмыс осы аптаның соңына дейін аяқталады. Сонымен қатар, 18 мамырдан бастап «Болашақ» шағын ауданында 70 үйдің құрылысы басталып, барлығы 150 үй салу жоспарлануда», - деді Шәпкенов.

Зардап шеккен кәсіпкерлерге келтірілген шығынды өтеу бойынша кеңес беру орталығы жұмыс істейді. Қазірдің өзінде кәсіпкерлік субъектілерінен 301 өтініш түсті, деп нақтылады жедел штаб.