Құлсарыда оқушы балта ала жүгірген мектептің директоры қызметінен босатылды

Құлсары қаласындағы А.С.Пушкин атындағы №6 мектеп директоры қызметінен босатылды. Аталған оқу орнында 10-сынып оқушысы құрдастарымен сөзге келіп, мектеп ішінде балтамен басқа оқушыларға шабуыл жасаған болатын. Оқиғаға байланысты жүргізілген қызметтік тексеру аяқталды, деп хабарлайды Orda.kz.      

Атырау облыстық білім басқармасының мәліметінше, 5 ақпанда оқу орнының басшысына қатаң сөгіс жарияланған. Ал келесі күні директор өз еркімен қызметтен кету туралы өтініш жазып, ол өтініш кідіріссіз қабылданған.

Шабуыл салдарынан екі жасөспірім жеңіл дене жарақатын алған. Оқиға туралы ақпарат сол күні-ақ полицияға түскен. Күдікті оқушы жедел ұсталып, уақытша ұстау изоляторына қамалды және профилактикалық есепке алынды.

Аталған дерек бойынша «Бұзақылық» бабымен қылмыстық іс қозғалды. Материалдар кәмелетке толмағандар істері жөніндегі комиссияға жолданып, жасөспірімнің ата-анасына қатысты әкімшілік іс жүргізу басталды.

Оқи отырыңыз:

• Құлсарыда жеті жасар қызды азаптап өлтірген қылмыскер өмір бойына қатаң режимдегі түрмеге тоғытылды
• Атырау-Құлсары тас жолы жүргізушілердің бас ауруына айналды
• Құлсарыда салынып жатқан «жайлы мектептің» төбесі құлады