Құлаған ұшақтың артқы бөлігінен белгісіз іздер табылды

Ақтауда апатқа ұшыраған ұшақтың артқы бөлігінде белгісіз іздер табылды, деп хабарлайды Orda.kz.

Желіде апатқа ұшыраған лайнердің  артқы бөлігінде  атыс нәтижесінде пайда болған тесіктерге ұқсайтын зақымдар анықталды.

Ұшақ апатының ресми себебі әлі белгісіз. Алдын ала мәліметтер бойынша, Azerbaijan Airlines авиакомпаниясының ұшағы құспен соқтығысқаннан кейін апатқа ұшырады, бұл қозғалтқышқа зақым келтіруі мүмкін. Нәтижесінде борттағы оттегі баллоны жарылды.

Іс бойынша тергеу жалғасуда. Сарапшылар мен төтенше жағдайлар қызметкерлері қайғылы жағдайдың нақты себебін анықтау үшін оқиға орнында жұмысын жалғастырып жатыр.