Құқық қорғаушылар желаяқ әрі белсенді Марат Жыланбаевтың денсаулығына алаңдауда

Тіркелмеген «Алға, Қазақстан!» партиясының жетекшісінің тістерінде ақау бар, ол үш рет тергеу изоляторынан емделуге шығарылған.

Құқық қорғаушылар тергеу изоляторында отырған активистің денсаулығы нашарлап кеткеніне алаңдауда. Құқық қорғау ұйымы экстремистік емес белсенділер туралы хабарлағандай оның тісінде ақау бар, ал тергеу изоляторында олардың тамақтары нашар, тазалық сақталмайды.

Қоғам белсендісі Бақытжан Төреғожина тұтқынның денсаулығы алаңдатарлық екенін айтты.

4 тісінің қаптамасы түсіп қалған. Маратты 3 рет тіс дәрігеріне емделуге апарған. Ол уақытша ұстау изоляторындағы стерильді санитарлық жағдайдың жеткіліксіздігіне байланысты тұрақты бақылауды қажет етеді. 2023 жылдың 25 мамырынан бастап М.Жыланбаев қамауға алынғанның алғашқы 1-1,5 айы ішінде ауа кірмейтін, іші дымқыл және жағымсыз иіс шыққан камерада болған, делінген хабарламада

Қоғам белсендісі тергеу изоляторындағы азық-түліктің стандартқа сай еместігін, дәрумендер, цитрус жемістері берілмейтінін хабарлады. Сондай-ақ жаңа піскен жемістер мен көкөністер жоқ. Одан бөлек, СИ-12 мекемесінің бастығына тергеу изоляторында күнделікті серуендеуге және душ қабылдағаннан кейін аптасына бір рет төсек-орын ауыстыруға болатынын еске салды.

Естеріңізге сала кетейік, Марат Жыланбаев 2023 жылдың ақпанында парламенттік сайлауға ұсынылды, бірақ кейіннен «науқанды мерзімінен бұрын жүргізгені үшін» айыппұл салынды. Ол 19 наурызда митингке бара жатқан жерінде қамауға алынды.

Қазір әлемге әйгілі жүгірүші уақытша ұстау изоляторында отыр, оған «тыйым салынған ұйымға қатысу» (ҚК 405-бабы) және «экстремистік ұйымның қызметін қаржыландыру» (ҚК 258-бап) деген күдікке ілінген.