Құқық қорғаушы Бақытжан Төреғожинаға ақпараттық шабуыл жасалды

Құқық қорғаушы Бақытжан Төреғожина өзіне әлдекімдердің ақпараттық шабуыл жасағаны туралы мәлімдеді, деп хабарлайды Orda.kz.

Төреғожина өзінің Facebook парақшасына әлеуметтік желіде оның суреті мен дауысы бар бейнежазбалар таралып жатқаны жайлы жазды.

«Мен құқық қорғаушы болған 25 жылдық қызметімде барлық қызметті тегін көрсеттім. Менде ешқашан көп ақша болған емес, көлігім де, саяжайым да жоқ. 40 жыл бұрынғы екі бөлмелі ескі пәтерде тұрамын. Мен темекі шекпеймін, ішімдік ішпеймін, мысығым Микеланджеломен бірге тұрамын. Арандатушылыққа ермеуіңізді сұраймын», – деп жазды Төреғожина. 

Оның айтуынша, қысым Марат Жыланбаев туралы жазбасынан кейін басталған. Құқық қорғаушы құқық қорғау органдарына өзі туралы жалған ақпарат таратқандарды тауып, жазалауды сұрады.

Еске сала кетейік, бұған дейін Orda тілшісі Бақытжан Төреғожина әкімшілік жауапкершілікке тартылғаны туралы жазған болатын. Сот бұл істе жалған ақпарат тарату ісі бойынша 20 айлық көрсеткіш есебінде (78 640 теңге) айыппұл салды.