«Құқық қорғау органдарына реформа жасау маңызды»: Аймағамбетов Талғардағы оқиғаға қатысты пікір жазды

Мәжіліс депутаты Асхат Аймағамбетов Талғар ауданында болған қайғылы оқиғаға қатысты instagram парақшасында жазба қалдырды. Онда 16 жасар Шерзат Болат бұзақылардың қолынан қаза тапқан болатын. Ал бүгін түнде оның отбасының үйі өртке оранды, деп хабарлайды Orda.kz.

«Бұл оқиға тек құқық қорғау органдарына ғана емес, бүкіл қоғамға сын. Шерзат Болаттың отбасына қайғырып көңіл айтамын. Бұл істі тергеуде барынша ашықтық пен әділдік қажет. Кінәлілердің барлығы заң алдында жауапқа тартылып, өз жазасын алуы тиіс», — деді Аймағамбетов.

Сондай-ақ ол өз жазбасында құқық қорғау органдарында терең, жүйелі реформалар жасау үшін бірігудің маңызды екенін атап өтті.

«Бұл қайғылы оқиғаны қасақана түрде жағдайды тұрақсыздандыру үшін пайдалануы мүмкін екенін жоққа шығармаймын. Сондықтан қазір арандатуға бой алдырмау, әділ жазаны қамтамасыз ету және құқық қорғау жүйесінде терең, жүйелі реформалар жасау үшін күш-жігерімізді біріктіру аса маңызды», — деді Асхат Аймағамбетов.