Күт, Вова! Армандаған зымыраныңды төбеңнен түсіреміз! - Ресей депутаты

Жаңа жыл мерекесі қарсаңында балалардың ақ арманы таңбаланған хаттарға жауап қатқан Ресей депутатының ақылға сыймайтын әрекеті әлеуметтік желіде тарады. Оның қалың жұрттың көз алдында құны түскенін байқау қиын емес. Депутат Киевтің Вова есімді тұрғынынан келген хатқа келемеждей отырып жауап қатып, көпшіліктің ашу-ызасын тудырды.

Cправедливая россия партиясының депутаты Олег Нилов баланың арманына балаша жауап қатты. Ол шыршаның түбіне жасырылған хаттарды оқып жатып, кездейсоқ қолына түскен украиндық баланың хатына жауап қатқан болады. Хатта Вова есімді киевтік бала өзінің зымыран ойыншығы болғанын армандайтынын жазған.  Оған:

- Күт, Вова! Армандаған зымыраныңды төбеңнен түсіреміз, - деп жауап қатты депутат. Кейіннен өз әрекетін қалжың деп ақталды.