Кубада 62 жылға созылған Кастро династиясының билігі аяқталады

Кубаның басқарушы коммунистік партиясының басшысы 89 жастағы Рауль Кастро өз қызметінен кететін жариялады, деп хабарлайды Orda.kz.

Ақпаратты Гаванада өткен партия съезінде Рауль Кастро өзі жария етті. Сонымен, Кубада  Кеңес одағы кезінен бері келе жатқан, 62 жылға созылған Кастро отбасының билігі осымен тоқтамақ. Естеріңізде болса, Рауль Кастро – Куба революциясының жетекшісі Фидель Кастроның інісі. Ал, Фидель Кастро кезінде әлемге танымал болған тарихи тұлға.

– Отандастарымның маған артқан сеніміне алғыс айтамын. Кубаны ондаған жылдар бойы мықты дайындықтан өткен адамдардың қолына сеніммен тапсырып отырмын, - деді  Куба коммунистік партиясының басшысы Рауль Кастро.

Ағайындылар елді 1959 жылдан бері басқарып келген. Кастро 2018 жылы өзінің ізбасары ретінде министрлер кеңесінің басшысы 60 жастағы Мигель Диас Канельді таңдаған еді. Жақын арада съезд оны партия көшбасшысы ретінде сайламақ.