Қуандық Бишімбаев түрмеде жұмыссыз отыр

Әйелін өлтіргені үшін 24 жылға сотталған бұрынғы ұлттық экономика министрі Қуандық Бишімбаев түрмеде жұмыссыз отыр, деп хабарлайды Orda.kz.

Қылмыстық атқару жүйесі комитетінің мәліметінше түрмеде бос жұмыс орны жоқ екен.

«Ол жазасын қатаң тәртіптегі мекемеде өтеп жатыр, бос жұмыс орындарының болмауына байланысты сотталған азамат күнделікті жалпы ережеге сәйкес жазасын өтеуде», деп түсіндірді қылмыстық-атқару жүйесі комитеті. 

Бұған дейін экс-министрдің ағаш пен металл өңдейтін жұмыста 25 мыңнан 200 мың теңгеге дейін жалақы ала алатыны туралы ақпарат тараған болатын.

Еске сала кетейік, 13 мамырда Астана соты бұрынғы ұлттық экономика министрі Қуандық Бишімбаевты 24 жылға бас бостандығынан айырды. Ол әйелі Салтанат Нүкенованы аса қатыгездікпен өлтіргені үшін кінәлі деп танылды.