Қуандық Бишімбаев түрмеде төбелес шығарды ма?

Астанадағы тергеу изоляторында ұлттық экономика экс-министрі Қуандық Бишімбаев төбелес шығарды.

Бұл туралы ақпарат пен хабарламалар әлеуметтік желіде тарады.

Әлеуметтік желілерде Астана қаласының тергеу изоляторында жазасын өтеушілер Б.К мен М.А. арасында жанжал туындап, ол төбелеске ұласып кеткені туралы ақпарат таралуда.

«Жанжал кезінде сотталушы Б.К сол камерада отырған 1986 жылы туылған басқа сотталушының денесіне көптеген дене жарақаттарын қалдырды» деп хабарлады зардап шеккен тараптың адвокаты.

Хабарламаға сәйкес, оқиғаға қатысты тергеу жүріп жатыр. Қазіргі уақытта тергеу органдары жанжалдың барлық мән-жайы мен себептерін анықтауда, сондай-ақ тергеу изоляторында тұтқындардың қауіпсіздігін қамтамасыз ету шараларын қарастыруда.

Orda.kz түсініктеме алу үшін сотталушының адвокатына жүгінді. Лейла Рамазанова бұл қауесеттер жалған деп сендіреді. Қоғамдық қорғаушы Бауыржан Мусин де бұл айыптауларды жоққа шығарды.

«Мен Қылмыстық-атқару жүйесі департементінің басшысына хабарластым, ол мұндай ештеңе болмағанын растады», – деді Мусин.

Сонымен қатар, үкім күшіне енгеннен кейін экс-министр Аршалы колониясына ауыстырылуы мүмкін екенін білдік. Естеріңізге сала кетейік, жақында қорғаушы тарап Жоғарғы Сотқа шағымдануға ниетті екенін мәлімдеген болатын.

 Orda.kz ресми түсініктеме алу үшін Қылмыстық-атқару жүйесі комитетіне хабарласты.