Қуандық Бишімбаев пен Бақытжан Байжановқа қатысты сот үкімі сағат 17:00-де шығады

Салтанат Нүкенованың әкесі Амангелді Нүкенов соттан әділ үкім күтетінін мәлімдеді. Ол Бишімбаевқа өмірлік жаза тағайындамаса, шешім әділ болды деп есептелмейтінін айтты, деп хабарлайды Orda.kz порталы.

«Сот отырысы өткен сайын жұбайым екеуіміз қаншама хайуандық әрекеттер туралы біліп жатырмыз. Осы уақыт бойы ауруханада жаттық. Сотқа қатыса алмадық. Соған қарамастан естіп жатқанымыздың өзі бізге жетіп жатыр. Бүгін әділ үкім болады деп үміттенеміз», — деді Амангелді Нүкенов. 

Жәбірленуші тараптың адвокаты Жанна Оразбақова да өз пікірін білдірді. 

«Өмір бойына соттау бірауыздан шешімді талап етеді. Сондықтан олар 20-дан 25 жылға дейін береді деп ойлаймын. Егер барлығы 10-нан 10 дауыс берсе, онда бұрынғы соттылықты ескере отырып, сот бұл қауіпті қайталану деп санауы мүмкін» ,— деді адвокат. 

Қуандық Бишімбаев пен Бақытжан Байжановқа қатысты сот үкімі сағат 17:00-де шығады.