Қуандық Бишімбаев Нүкенованың қандай жағдайда қайтыс болғанын айтты

Бүгін Қуандық Бишімбаевтың кезекті сот отырысы өтті, деп хабарлайды Orda.kz порталы.

Аталған сот отырысында Бишімбаев Салтанат Нүкенованың қандай жағдайда өмірден озғанын мәлімдеді.

«Байжанов Салтанаттың жағдайын сұрады. Ол жедел жәрдем шақыруды ұсынды. Көріпкелдің сөзі есіме түсті, кешке оянуы керек деп айтқан еді. Осы кезде сағат 4 шамасы болған. (...) Тағы да кездесуге кетіп, жарты сағаттай сол жақта болдым. Салтанатқа келіп, оятуға тырыстым. Кешкі 6 шамасында қорылы басылған екен. Шығып, Бақытжанға айтып, тамақ ішіп алайық дедім. Сағат 6:40 кезі еді. «Бара бер», «оянатын шығар» деп Байжановты жібердім. Оянған кезде саған айтамын, сен келіп бізді апарып тастайсың деп айттым. Салтанатқа келсем, беті суып кеткенін байқадым. Қорқып кеттім. Бетін ұстап көрдім, температурасы өзгергенін байқадым. Бақытжанға кері қайт дедім. Тамырын ұстап, жүрегі соқпай тұрғанын айттым. Ол да соны айтып, жедел жәрдем шақыруға жүгірді», - дейді Бишімбаев.

Оның сөзінше, Салтанат Нүкенованың қайтыс болғанын артынан түсінген.