Қуандық Бишімбаев 24 жылға сотталды

Қуандық Бишімбаев - 24 жылға бас бостандығынан айырылды, деп хабарлайды Orda.kz порталы.

Экс-министр Қуандық Бишімбаев 24 жылға бас бостандығынан айырылды. Ал оның інісі Бақытжан Байжанов 4 жыл бас бостандығынан айырылды.

Қуандық Бишімбаев Қылмыстық кодекстің 110-бабы 2-бөлігі 1-тармағы бойынша кінәлі деп танылды. Бұл бап бойынша ол 7 жылға бас бостандығынан айырылды. Ол Қылмыстық кодекстің 99-бабы 2-бөлігі 5-тармағы бойынша да кінәлі деп танылды. Бұл бап бойынша 20 жылға бас бостандығынан айырылды. Экс-министр түпкілікті 24 жылға сотталды.

Сот үкім шығарар кезде Қуандық Бишімбаевтың кәмелетке толмаған балалары барын ескерген Экс-министрдің бұрын сотты болғанын және қылмысты мас күйде жасағанын жағдайды ауырлататын жайт ретінде таныған. Тараптардың үкімге шағым түсіруге 15 күн уақыты бар.