Куәгерлер көпірден секірмек болған ер адамды құтқарып қалды

Ер адам Рысқұлов даңғылы мен Шемякин көшесінің қиылысындағы жер үсті жаяу жүргіншілер өткелінің үстіне шығып алған, деп хабарлайды ORDA. тілшісі.

Куәгерлер мен өтіп бара жатқан жүргіншілер оның мерт болуына немесе өзіне зиян келтіруіне жол бермеді. Кейбіреулер оның назарын аударып, алдаусырата бастаған кезде, тағы бір адам өткел үстіне көтеріліп, оның басқа әрекетіне жол бермеді.

Осы уақытта оқиға орнына тәртіп сақшылары келді. Арқанды пайдаланып, бүкіл жұрт жабылып жатып оны жерге түсіріп алды.

Айтпақшы, құтқару жұмыстары кезінде Рысқұлов даңғылы бойындағы көлік қозғалыстары толығымен тоқтатылды.