ҚТЖ қызметкерлерінен ұйымдасқан қылмыстық топқа үкім шықты

Астаналық апелляциялық соты ҚТЖ қызметкерлері мен көлік полициясына шығарған үкімді өзгеріссіз қалдырды. 

Бұл туралы Астана сотының баспасөз қызметі хабарлады. 
 
ҚТЖ қызметкерлері мен олардың сыбайластарына қылмыстық кодекстің бес бабы бойынша айып тағылды. Оларға ұйымдасқан қылмыстық топ құрды және оған жетекшілік етті, пара берді, пара алуда делдалдық жасады, қаржыны жымқырды. Сондай-ақ қылмыстық жолмен алынған мүлікті сатты деген айып тағылды. 
 
Ұйымдасқан топтың қылмыстары 2021 жылдан 2023 жылға дейінгі аралықты қамтиды.
 
Бірінші сатыдағы сот ұйымдасқан қылмыстық топ жетекшісін 10 жылға бас бостандығынан айырды. Оның басты сыбайласы 9 жылға, көлік полициясы қызметкері 8 жылға бас бостандығынан айырылды. Топтың тағы екі мүшесі 7 жылға бас бостандығынан айырылды, ал ұрланған мүлікті сатумен айналысқандар 2 жылға бас бостандығынан айырылды.

Қылмыстық топ мүшелері үкіммен келіспей, апелляциялық шағым түсірмек болған, алайда апелляциялық инстанция олардың кінәсі толық дәлелденді деп санап, үкіммен танысудан бас тартты.