ҚТЖ Қайрат Қожамжаровтың інісін сотта жеңді

«ҚТЖ – Жолаушылар локомотивтері» ЖШС бұрынғы Бас прокурор Қайрат Қожамжаровтың інісі Дулат Қожамжаров иелік ететін «High Industrial Lubricants & Liquids Corporation» (HILL) компаниясына қарсы сотта жеңіске жетті, деп хабарлайды Orda.kz.

Бұл туралы ақпарат «За нами уже выехали» Telegram-арнасында жарияланды.

Өткен жылдың соңында «ҚТЖ – Жолаушылар локомотивтері» мен HILL компаниясы дизель майын жеткізу туралы келісімге қол қойған. Шартқа сәйкес, өнім толық көлемде 2025 жылдың 31 желтоқсанына дейін жеткізілуі тиіс болған. Алайда компания міндеттемесін толық орындамаған.

1 тамызда мемлекеттік органдар өнім жеткізушілеріне тексеру жүргізіп, бұл компания жұмысына кедергі келтірген. Осыдан кейін HILL сотқа жүгініп, келісімді бұзуды сұраған. Ал «ҚТЖ – Жолаушылар локомотивтері» 46 миллион теңге аванс пен айыппұлды қайтаруды талап етті.

Компания өз кезегінде айыппұл төлеуден бас тартып, дизель майының 40 пайызы жеткізілгенін алға тартты.

Сот шешімі бойынша, «HILL» компаниясы «ҚТЖ – Жолаушылар локомотивтері» пайдасына 45 769 957 теңге аванс, 50 401 768 теңге айыппұл және 2 885 152 теңге мемлекеттік баж өтемақысын төлеуге міндеттелді.

Дулат Қожамжаров – кәсіпкер, «HILL Corporation» компаниясының жалғыз құрылтайшысы. Компания жанар-жағармай материалдарын өндіреді.

Тамыз айында Аягөз қаласындағы локомотив депосында ішкі тексеру жүргізіліп, нәтижесінде 133 миллион теңгеден астам дизель отыны ұрланғаны анықталған.