Крокустағы лаңкестік ісіне қатысы бар деген күдікпен тағы бір адам қамауға алынды

Крокус Сити Холлдағы теракт ісі бойынша он екінші айыпталушы Джумохон Курбонов лаңкестерді байланыс пен ақшамен қамтамасыз етті деген күдікке ілінді, деп хабарлайды Orda.kz Мәскеу қалалық сотының баспасөз қызметіне сілтеме жасап.

Мәскеудің Басманный соты 20 жастағы Тәжікстанның тумасы Джумохон Курбоновты 22 мамырға дейін қамауға алды.

«Тергеу деректері бойынша, Курбоновқа лаңкестік әрекетті дайындауға қаражат бөлу, оның ішінде қатысушыларды байланыс құралдарымен қамтамасыз ету және олар үшін жүйелі төлем жасау міндеті жүктелген» деп хабарлады Мәскеу қалалық сотының баспасөз қызметі.