Крокус Сити Холлдағы теракт құрбандарының саны күрт өсті

Ресей денсаулық сақтау министрі Михаил Мурашко Крокус Сити Холлда болған теракт салдарынан зардап шеккендер саны артқанын хабарлады.

Бұл туралы шенеунік өзінің Telegam арнасында бөлісті.

«Крокус Сити Холлдағы теракт құрбандарының саны 551 адамға жетті»,- деді Мурашко.

Олардың көпшілігіне амбулаторлық көмек көрсетілгенін атап өтті.

Сондай-ақ, РФ денсаулық сақтау министрлігінің 28 наурыздағы мәліметі бойынша, 74 адам федералды мекемелер ауруханаларында, Мәскеу облысы мен Мәскеудегі ауруханаларда ем алуды жалғастыруда.

Олардың үшеуінің жағдайы өте ауыр - бұл оқтан ауыр жарақат алған, сондай-ақ оқ жарақаттары мен күйіктері бар науқастар.

«Зардап шеккен 18 адамның, оның ішінде үш баланың жағдайы ауыр, 33 адамның жағдайы орташа ауыр» деп хабарлады ведомстводан.

Алдағы күндері 20 адам ауруханадан шығуға дайындалып жатыр.

Наурыздың 27-сі күні ресейлік БАҚ теракт құрбандарының саны 360-қа жеткенін хабарлады.

27 наурыз күні болған лаңкестік әрекет құрбандарының саны 143 адамға жетті.

2024 жылдың 22 наурызында камуфляж киген адамдар Крокус Сити Холл ғимаратының бірінші қабатына кіріп, автоматтан оқ жаудырды. Шабуыл Пикник рок тобының концертіне бірнеше минут қалғанда басталды.