Крокус Сити Холлдағы лаңкестік құрбандарының саны артты

Күні кеше Ресейде болған теракт құрбандарының саны артты, деп хабарлайды Orda.kz порталы.

Ресейдің денсаулық сақтау министрі Михаил Мурашко зардап шеккендердің тағы біреуі қайтыс болып, құрбан болғандардың саны 140-қа жеткенін хабарлады.

«Өкінішке қарай, ауыр халдегі азаматтың бірі қайтыс болды. Дәрігерлер оны аман алып қалу үшін қолдан келгеннің бәрін жасады», - деді Мурашко.

Медицина орталығы мамандары теракт салдарынан жарақат алған адамдардың саны 360 болғанын, олардың ішінде 11-і бала бар екенін тілге тиек етті.