Криштиану Роналду Сауд Арабиясының «Аль-Наср» клубына ауысты

Португалиялық шабуылшы Криштиану Роналду Сауд Арабиясының «Аль-Наср» клубымен келісімшартқа отырды, деп хабарлайды Al-Arabiya.

Роналду Португалия суперкубогының иегері, үш дүркін Англия чемпионы, Англия кубогының иегері, бес дүркін Чемпиондар лигасының жеңімпазы, екі дүркін УЕФА суперкубогының иегері, Еуропа чемпионы, Англия суперкубогының жеңімпазы, екі дүркін Англия лигасы кубогының иегері,  Италияның екі дүркін чемпионы.

Ол «Спортинг», «Манчестер Юнайтед», «Реал Мадрид» және Туриннің «Ювентус» командаларында ойнаған.

Енді Роналду алдағы екі жыл бойы «Аль-Насрда» ойнайды, оның әр жылы үшін 200 миллион еуро алады.

Криштиану Роналдудың  өзі әлеуметтік желілерде  ауысатыны  туралы ойын айтып өтті.

«Бұл біздің көз алдымызда болып жатқан тарих. Бұл белгі тек біздің клубты ғана емес, біздің лигамызды, ұлтты, болашақ ұрпақты өзімізді ең жақсы биіктерге  көтерілуге шабыттандырады» деп жазды футбол шебері.

Катарда өткен соңғы әлем чемпионатында Роналду Португалия құрамасының сапында бір гол соқты. Оның командасы турнирдің ширек финалына дейін жетіп, Мароккодан жеңіліп қалды. Бұл ретте Криштиану бес әлем чемпионатында гол соққан жалғыз ойыншы атанды.