Криптовалюта индустриясын қызу қолдаушы АҚШ-тың қазынашылық хатшысы болуы мүмкін

Дональд Трамп өз әкімшілігі маңызды лауазымдардың біріне үміткерді таңдады, деп хабарлайды Orda.kz BBC-ге сілтеме жасап.

АҚШ-тың жаңадан сайланған президенті миллиардер, инвестор және оның экономикалық мәселелер жөніндегі кеңесшісі Скотт Бессентті қазынашылықтың жаңа хатшысы ретінде көргісі келеді.

«Менің әкімшілігім еркін, күшті, тұрақты және тиімді капитал нарықтарын қалпына келтіреді. Біз жеке секторды жандандырамыз және федералды қарыз тұрақсыздығын ауыздықтауға көмектесеміз » деп жазды Трамп ықтимал Қазынашылық хатшысы кандидатурасын жариялау кезінде

2024 жылы Бессент Трампты және оның экономикалық саясатын әу бастан қолдады. Сайлау науқанында ол сайлаушыларға Трамптың «регуляцияның, арзан энергияның және төмен салықтардың жаңа алтын ғасырын» бастайтынын айтты.

Бессент - крипто индустриясының қызу қолдаушысы. Егер оның кандидатурасын Сенат мақұлдаса, Бессенттің криптовалюталарды ашық қолдайтын бірінші қаржы министрі болуға толық мүмкіндігі бар.

Жазда Fox News-ке берген сұхбатында ол криптовалюта Республикалық партияның рухына тамаша сәйкес келетінін айтты.

«Крипто - бұл бостандық», - деді Бессент.