Крипто миллионердің қызын тапа-тал түсте ұрлап әкетпек болды

13 мамыр күні таңертең Париждің 11-ші аудандағы Rue Pasche көшесінде қарулы және бетперде киген үш адам белгілі криптовалюталық кәсіпкердің қызына шабуыл жасады. Шабуыл кезінде ол екі жасар баласымен және күйеуімен серуендеп жүрген. Қылмыскерлер оны Chronopost жеткізу қызметінің логотипі бар ақ фургонға итеріп салып алмақ болған, деп хабарлайды Orda.kz.

Ұрылар қарсылық  көрсеткен жәбірленушінің күйеуін пышақтап кетті. Ақыры жанталас кезінде көмекке көшеде өтіп бара жатқандар келді. Олардың бірі қылмыскерлерді өрт сөндіргішпен қуып жіберді. Шабуыл жасағандар тапаншаларын қалдырып, қашып кетті. Қазіргі уақытта қарудың түпнұсқалығы тексеріліп жатыр. Кейінірек фургонды жақын маңға тастап кеткені белгілі болды. Полиция тергеуді бастады.

Әйел Paymium крипто биржасының негізін қалаған әрі бас директорының қызы болып шықты.

Жергілікті БАҚ бұл оқиға 2025 жылдың басынан бері Франциядағы крипто индустриясы өкілдерін ұрлауға жасалған үшінші әрекет екенін атап өтті.

Мамыр айының басында тағы бір криптовалюта инвесторының әкесін итімен серуендеп жүргенде ұрлап кеткен еді. Ол үш күн бойы тұтқында болып, баласына кесілген саусағын түсірген бейнежазбаны жіберіп, төлем талап еткен.

Ал қаңтарда Ledger крипто-компаниясының негізін қалаған 36 жастағы Дэвид Балланд Францияның солтүстігіндегі Меро коммунасында ұрланған. Онымен бірге оның серіктесі де жоғалып кетті. Ұрылар кесілген саусақтың бейнежазбасын жіберіп, криптовалютамен төлем талап еткен.