Кредиторлар Украина қарызын 2027 жылға дейін кейінге шегереді

G7 тобы Украинаға берілген несиелер бойынша төлемдерді 2027 жылға дейін кейінге қалдыруға келісті.

Топқа мүше барлық мемлекеттердің өкілдері Украинаның мемлекеттік қарызы бойынша ортақ ұстанымға келісті. Бұл туралы Канаданың Қаржы министрлігі мәлімдеді, деп жазады Укринформ.

«Украина Кредиторлар тобының қаржылық кепілдіктер беруі кредитордың ұлттық заңнамасына сәйкес ХВҚ бағдарламасының (2023–2027) мерзімінде 2022 жылғы 1 тамыздан бастап қарызды өтеу бойынша шектеуді ұзартуды көздейді»  делінген Қаржы министрлігінің хабарламасында.

Ақпаратқа сәйкес, кредитор-мемлекеттер елдегі экономикалық жағдай тұрақталғаннан кейін де Украинаның қарыз ауыртпалығын жеңілдетуге дайын. Несие берушілер тобының мүшелері басқа екіжақты кредиторларды «Украина үкіметімен қарыз шарттары бойынша бірдей қолайлы келісім жасауға» шақырды.

Осы аптада ХВҚ өкілдері мен Украина билігі штат деңгейінде ел үшін 15 миллиард доллардан астам сомаға Кеңейтілген қаржыландыру бағдарламасын (EFF) бекіту туралы келісімге келгені белгілі. Ол төрт жылға есептелген және екі кезеңді жүзеге асыруды қамтиды.

Украинаның Кредиторлар тобына Канада, Франция, Германия, Жапония, Ұлыбритания және АҚШ кіреді. Австралия, Австрия, Бельгия, Бразилия, Дания, Финляндия, Ирландия, Израиль, Италия, Корея, Нидерланды, Норвегия, Испания, Швеция және Швейцария бақылаушы мәртебесіне ие.