ҚР ҰҚК Ақтөбеде діни радикалдарды ұстады

Екі қазақстандық радикалды діни ұйым құрды деген күдікке ілінді. Қазақстан Республикасы Ұлттық қауіпсіздік комитеті терроризмді насихаттады деген күдікпен экстремистік әдебиеттерді оқып, таратқан екі қазақстандықты ұстады.

2023 жылдың 9 қыркүйегінде Ақтөбеде Ұлттық қауіпсіздік комитеті полицияның қатысуымен радикалды діни ұйымның көзін жойды. Олардың тұрғылықты жерінен экстремистік бағыттағы әдебиеттер мен басқа да заттай айғақтар тәркіленді. Материалдар Қылмыстық кодекстің 256-бабының 2-бөлігі бойынша Сотқа дейінгі тергеп-тексерудің бірыңғай тізіліміне тіркелді, делінген ҚР ҰҚК хабарламасында. 

Қылмыстық іс жүргізу кодексінің 201-бабының 1-бөлігіне сәйкес өзге мәліметтер жария етуге жатпайтыны атап өтілген.