ҚР ТЖМ: 135-тен астам елді мекен су басудан құтқарылды

6 сәуірде Орталық коммуникациялар қызметінде өткен брифингте ҚР Төтенше жағдайлар министрлігі Төтенше жағдайларды жою департаментінің басшысы Қаһарман Оразалин еліміздегі су тасқынына қатысты жағдай туралы баяндады, деп хабарлайды Orda.kz.

Мемлекет басшысының тапсырмасы бойынша Қостанай, Батыс Қазақстан, Ақмола, Солтүстік Қазақстан және Ақтөбе облыстары үшін мемлекеттік материалдық резервтен арнайы және автокөлік құралдары, шатырлар мен төсек-орын жабдықтары шығарылды.

«Ұлттық ұлан авиациясы арқылы Астанадан Құлсарыға азық-түлік, қап контейнерлері мен мотопомпалар жеткізіледі. Құтқарушылардың, жергілікті атқарушы органдардың және еріктілердің бірлескен жұмысының арқасында 80 мыңнан астам адам тұратын 135 елді мекен мен 21 мыңнан астам түрлі мақсаттағы ғимараттар мен құрылыстарды су басуының алдын алды», - деді Орталық коммуникациялар қызметінде өткен брифингте Қазақстан Республикасы Төтенше жағдайлар министрлігі Төтенше жағдайлар бөлімінің басшысы Қаһарман Оразалин.